Politikani Fatbardh Kadilli, i ftuar në Çim Peka LIVE, tha se është i mendimit se Donald Trump doli i fituar nga debati i mbrëmshëm mes Trump dhe Biden.
“Në thelb, për mua Trump dhe doli siç e njohim, me të njëjtën staturë, me të njëjtën thjeshtësi komunikimi.
Elita profesionale humbi, e provuan me Hillary Clinton, e katandisën një politikan profesionist si Biden të thotë: Qepe, kloun.
Këto janë shenja se establishmenti politik amerikan i viteve ’70 po të themi, nuk është në gjendje të prodhojë një politikan karriere.
Kështu ndodhi para 4 viteve, kështu ndodh tani.
Trump e shkundi sistemin dhe e bëri të vërtetën të vërtetë. Numrat janë numra dhe deklarimet janë deklarime,” tha ai.
“Trump e futi Biden në disa kurthe, ku ai nuk ishte në gjendje të mbante qëndrime,” tha Kadilli.
