Sipas raporteve të Urgjencës Mjekësore, përgjatë muajit shtator janë shënuar përkatësisht 626 raste aksidente rrugore, 10 ngjarje më shumë krahasuar me një vit më parë. Në këto aksidente 23 qytetarë kanë ndërruar jetë. 275 ishin ngjarje me dëmtime të rënda por jo në rrezik për jetën ndërsa 164 ishin raste me rrezikshmëri të lartë për jetën.
Mjekët në Urgjencë janë pritësit e parë të personave të dëmtuar në rrugë, thonë se nga muaji në muaj vihet re një rritje e numrit të aksidenteve dhe se shifrat e regjistruara janë tregues i një situate të rëndë.
236 aksidente kanë ndodhur vetëm në Tiranë gjatë shatorit, që mban dhe vendin e pare në renditje, e më pas ndiqet nga Vlora me 78 aksidente dhe Durrësi me 51. Qendra Kombëtare e Urgjencave Mjekësore bën thirrje për ndërgjegjësim dhe respektim të rregullave të qarkullimit rrugor.
Aksidentet sipas qarqeve:
Tiranë: 236 aksidente
Durrës: 51 aksidente
Berat: 46 aksidente
Elbasan: 50 aksidente
Fier: 38 aksidente
Gjirokastër: 20 aksidente
Korçë: 42 aksidente
Kukës: 6 aksidente
Lezhë: 29 aksidente
Shkodër: 22 aksidente
Vlorë: 78 aksidente
Dibër: 8 aksidente
