Zëdhënësja e Partisë Demokratike, Ina Zhupa ka reaguar pas deklaratës së kryebashkiakut Erion Veliaj, se PD nuk i ka depozituar paditë ndaj tij.
Ne nje postim ne Facebook, Zhupa shkruan se Paditë janë depozituar dhe Veliaj do të përgjigjet për shpifjet e tij
Reagimi i Zhupës
Mashtrimi është mjeshtëria e Veliajt!
Partia Demokratike e ka paditur Veliajn për shpifjet e tij të vazhdueshme që kanë vetëm një qëllim: të largojnë vëmendjen nga dështimet flagrante të qeverisë dhe të bashkisë. Të cilat kanë varfëruar shqiptarët dhe rrënuar Tiranën.
Paditë janë depozituar dhe Veliaj do të përgjigjet për shpifjet e tij. Mashtrimet e përditshme dhe kasetat me regji qendrore nuk e shpëtojnë dot nga përgjegjësitë për shkatërrimin e Tiranës dhe shpifjet e përditshme!
