Zëdhënësi i presidentit ka sqaruar ‘keqkuptimin’ me një deklaratë të Ilir Metës, gjatë konferencës së ditës së sotme.
Duke iu përgjigjur një pyetjeje të bërë për deklaratën e djeshme të kreut të PD-së, Meta ka përfshirë aty edhe Ramën, por pa e përmendur me emër.
‘Dhe atij zotërisë i them përpiqu të bësh aq sa bëri Izetbegoviç kur e morën peng. Thuaji popullit të që jam peng dhe vazhdo punën tënde. Sepse këtë popull dhe këtë vend nuk e merr askush peng më në këtë qiell dhe në këtë tokë’.
E pikërisht kjo pjesë e deklaratës është marrë nga disa media, si një sulm i Metës për Bashën.
Por pak minuta më vonë, deklarata është sqaruar nga zëdhënës Tedi Blushi.
‘Një sqarim për të gjithë kolegët e nderuar gazetarë: Referenca për ‘pengun’ i adresohet direkt Kryeministrit ende në detyrë që duhet të heqë urgjentisht dorë nga pengmarrja e së ardhmes europiane të Shqipërisë!
Kjo është e qartë!’, shkruan Tedi Blushi në Facebook.
