Sa herë kryeministri Edi Rama justifikohet për ndonjë gjë, thotë se qeveria e tij nuk e ka shkopin magjik.
Kështu deklaroi edhe të mërkurën, kur u kërkoi naftëtarëve që po vuajnë në grevë urie për bukën e gojës, që të braktisin grevën.
Por për ironi, teksa për qytetarët nuk ka shkopin magjik, për një grusht biznesmenësh pranë tij, shkopi magjik ekziston. Ata mund të fitojnë qindra-miliona euro, mjafton vetëm një kontratë.
Teksa afera e inceneratorëve ka shpërthyer në maksimum, një meme e Genc Sejkos u bë virale. Ajo tregon se si Rama e ka shkopin magjik vetëm për Klodian Zoton e inceneratorëve.
