Një dekret presidencial që parashikon shtrirjen e ujërave territorial të Greqisë në detin Jon nga 6 në 12 milje detare është paraqitur në Këshillin e Shtetit të Greqisë, gjykata më e lartë administrative e Greqisë, për një kontroll ligjor, dhe më pas do të nënshkruhet nga Presidentja Katerina Sakellaropoulou, për t’u bërë ligj,” shkruan sot gazeta greke Kathimerini.
Sipas gazetës, “dekreti u dërgua në gjykatë javën e kaluar pas një vizite nga Ministri i Jashtëm Nikos Dendias në Tiranë, ku u ra dakord që Greqia dhe Shqipëria të referonin një mosmarrëveshje mbi kufijtë e tyre detarë në detin Jon, në Gjykatën Ndërkombëtare të Drejtësisë në Hagë.
Në përputhje me parashikimet e dekretit, shtrirja e ujërave territoriale të Greqisë do të kryhet gjithashtu në veri të Korfuzit, një zonë ku qasja e Shqipërisë është e ndryshme nga ajo e Greqisë.
Sidoqoftë, rregullimet e kërkuara do të kryhen me mirëbesim menjëherë pas vendimit të gjykatës, siç e kupton Kathimerini.
Thirrja e të dy vendeve në gjykatën ndërkombëtare nuk ka gjasa të ndodhë përpara zgjedhjeve parlamentare të planifikuara të zhvillohen në Shqipëri në prill.
Sidoqoftë, mund të ketë një pengesë.
Nënshkrimi i kryeministrit shqiptar Edi Rama nuk mjafton për të miratuar marrëveshjen e përbashkët midis dy vendeve.
Dhe burimet diplomatike besojnë se Presidenti i vendit Ilir Meta mund të mos e miratojë marrëveshjen në mënyrë që të mos i japë partisë së Ramës në qeverisje, një kartë të bardhë para zgjedhjeve,” përfundon gazeta greke.
