Rëndohet greva e urisë e grave naftëtare të Ballshit, e cila ka hyrë sot në ditën e 24-ërt. Gjendja e tyre psikologjike dhe shëndetësore është përkeqësuar në kushtet e indeiferencës nga qeveria për moszgjidhjen e problemeve të tyre.
Mësohet se njëra prej grave grevistë ka tentuar mbrëmjen e së premtes të presë damarët për t’i dhënë fund jetës, por nuk është lejuar nga shoqet në momentin e fundit.
“Jemi të pashpresa dhe shteti na ka braktisur, – tha njera prej tyre. – Kam marrë thikën mbrëmë, po një shoqe më ndali… Nuk e di ku i shkon mendja Kryeministrit, po ne nuk jemi këtu për show. Na kanë braktisur.”
