Njeriu që ka hyrë në histori si iniciatori i ndarjes së Kosovës, i devijoi debatit për gjendjen e rëndë në vend si shkak i pandemisë.
Edi Rama shkroi në mediat sociale sërish mbi raportin e hetuesit Dick Marty.
Në reagim ndaj tij, kreu i opozitës, Lulzim Basha tha se Rama shkatërroi ekonominë dhe tani po shkatërron shëndetin e shqiptarëve.
“Rama vazhdon cicërimat në vend që të bëjë detyrën. Shqipëria është në kulmin e infektimit ndërsa Rama është mbërthyer pas Instagramit. Po të shkulej nga Instagrami, do ta shihte sa e rëndë është gjendja. Të sëmurët, familjet dhe mjekët i ka braktisur pa asnjë ndiihmë. Rama shkatërroi ekonominë dhe tani po shkatërron jetët dhe shëndetin e njerëzve. Edhe sa shqiptarë duhet të humbin jetën për fajin e tij?” shkruan Basha.
