Edi Rama mbrëmjen e djeshme ka dalë në rolin e tij më të mirë që di të luajë, atë të regjisorit të propagandës së qeverisë së tij.
Duket se situata e rëndë e koronavirusit në vend, që ka dalë jashtë kontrollit, ka nxjerrë nga kontrolli edhe vetë Ramën.
Ky i fundit na ka treguar mbrëmjen e djeshme se sot do të sjellë pamje ekskluzive nga spitalet Covid, në Tiranë.
Në vend që të lejojë median të futet në spitalet Covid, për të treguar gjendjen reale të tyre, Rama ka vendosur të fusë në këto spitalet grupin e tij të propagandës.
Të gjithë e dinë shumë mirë se, Rama para se ti transmetojë pamjet do ti rregullojë për të plotësuar propagandën e tij, duke fshehur të vërtetën e duke treguar vetëm atë që Rama do.
Ja çfarë shkruan Edi Rama në Facebook
Sot në këtë faqe filmime krejt ekskluzive nga vija e zjarrit, në spitalet Covid ku sistemi ynë shëndetësor, më i gatshëm se asnjëherë më parë dhe heronjtë tanë me bluza të bardha, si asnjëherë më parë përballen me dallgët e forta të një epidemie globale, duke mbrojtur e shpëtuar jetë nga kthetrat e Armikut të Padukshëm…
