Sulmi i Policisë me autobotë me ujë dhe gaz lotësjellës ka bërë që protestuesit të tërhiqen për aty ku është Ministria e Financave në krah të Bulevardit.
Pikërisht në këtë moment protestuesit kanë thyer derën kryesore të Ministrisë duke hyrë në brendësi të saj, qoftë edhe për tu ruajtuar nga sulmi frontal i policisë që këtë mbrëmje ka qenë më e organizuar në numra dhe mjete.
I gjithë ky reagim i protestuesve ka ardhur pas monologut të kryeministrit Rama që jo vetëm mbrojti ministrin Lleshaj, por shfajësoi edhe uniformat e policisë për të gjithë dhunën që ato kanë ushtruar në 8 vite qeverisje në frymëzimin e pushtetit të Ramës.
