Dy kufoma të copëtuara dhe të futura në valixhe të mbyllura me shirit ngjitës në Itali dyshohet se i përkasin një çifti shqiptar të zhdukur 5 vite më parë, Shpëtim dhe Teuta Pasho. Mediat italiane shkruajnë se një tatuazh spirancë me emrin e një qyteti shqiptar mund të ndihmojë në identifikimin e dy trupave të copëtuar dhe të gjetur në tre valixhe. Ata ishin zhdukur në rrethana të paqarta.
Shpëtim dhe Teuta Pasho jetonin në Shqipëri dhe udhëtonin shpesh herë drejt Toskanës ku jetojnë fëmijët e tyre. Më 4 Tetor të vitit 2015 ata qëndruan në Itali për rreth një muaj. Më 2 nëntor të atij viti vajza mori një telefonatë nga një numër anonim nga nëna e saj dhe tha se nuk donte t’i përgjigjej askujt. Që prej asaj kohe nuk ka asnjë lajm prej tyre. Të dy bashkëshortët kishin biseduar gjithashtu për të shkuar në Gjermani, por gjetjet nuk kanë dhënë ndonjë rezultat
Fillimisht u gjet një valixhe ku ishte futur pjesa e sipërme e trupit dhe këmba e burrit me një nga gjymtyrët e gruas. Valixhet ishin të mbuluar me dhe dhe dukeshin se kishin qëndruar për disa kohë atje. Tre valixhet u gjetën nga kërkimet që zgjatën nga mëngjesi i 10 dhjetorit deri dje.
Ngjarja e tmerrshme ka sjellë hetime dhe hipoteza nëse kemi të bëjmë me veprimin e një vrasësi serial dhe një sekti satanik. Nga ekzaminimi i autopsisë së burrit rezultoi se ai i përket moshës mes 40 dhe 60 vjeç dhe dyshohet se është vrarë me një goditje në fyt. E vetmja shenjë dalluese në trupin e tij është tatuazhin në parakrah.
Trupat u gjetën jo shumë larg banesës së tyre. karabinierët besojnë se kemi të bëjmë me një vrasje brutale. Çifti i shqiptarëve ka edhe një djalë në burg të dënuar për trafik droge.
“Unë u kontaktova nga karabinierët, por duhet të presim hetimet” – thotë Dorina. “Një tatuazh? Po, mbase babai im e kishte një, me vitin në të cilin ishte në ushtri”.
Kërkimet në zonë vazhdojnë pasi dyshohet se mund të ketë edhe një valixhe të katërt me mbetje njerëzore. Kërkimet janë bërë të vështira për shkak të zonës të mbushur me ferra dhe shkurre. Autopsia e kryer këtë pasdite tregon se gruaja ishte rrahur brutalisht.
Ajo duhet të ketë marrë shumë goditje në fytyrë dhe kokë pasi ka thyerje e kockës hyoidale dhe të disa brinjëve. Ndërsa autopsia e kryer ndaj burrit tregoi se ai është vrarë me një goditje me thike në fyt.
