“Mu tha goja për një pikë uji, të lutem më ndihmo”, janë fjalët e fundit që nëna i tha të birit nga brenda spitalit Covid-3, pak para se të mbyllte sytë e të largohej përfundimisht nga kjo botë.
Fjalët therëse për këdo që i dëgjon i kanë hapur një plagë në zemër djalit të 70-vjeçares nga Durrësi që sot ngre gishtin e fajit drejt infermierëve përgjegjës, ndërsa falënderon mjekun kurues për gjithë sa mundi të bënte gjatë 9 ditëve të ferrit.
Altin Sejdiu dëshmon kalvarin e gjatë të sorrollatjeve që nisën në dyert e Urgjencës së Spitalit të Durrësit dhe tre ditë më pas gjatë transportimit me autoambulancë drejt Tiranës.
9 ditë lutje, shprese dhe shumë lot, duke i gdhirë netët para spitalit Covid-3 nuk shërbyen për asgjë, pasi në fund as rrobat që i sillte nënës çdo ditë nuk mbërritën kurrë tek ajo.
