Personi i vrarë sot në Durrës është Edmond Koçi, ose ndryshe siç njihet Mond Çekiçi, pjesëtar i grupit të bandës kriminale të Lul Berishës. Ai është qëlluar me armë pranë Drejtorisë Arsimore në Durrës.
Policia ka rrethuar zonën, janë ngritur pika kontrolli dhe vijojnë kontrollet e imtesishme në gjithë zonën.
Edmondi udhëtonte me mjet me shofer dhe një automjet tjetër i ka prerë rrugën. Nga makina ka dalë shoferi i Edmondit për të pyetur se çfarë ka, ndërkohë një nga personat në mjetin tjeter ka qëlluar për vdekje Edmondin dhe janë larguar me një mjet tip Benz me targa të vjedhura në Tiranë, i cili është braktisur dhe djegur nga autorët në Katund Sukth, Durrës.
