Pas Mark Markut, edhe Roland Bejko është infektuar me COVID-19 nga radhët e demokratëve.
Numri 2 i listës së PD-së në Gjirokastër ka deklaruar se do të vazhdojë fushatën nëpërmjet rrjeteve sociale apo mediave.
Lajmin e ka njoftuar vetë Bejko në një postim në Facebook.
“Të dashur miq. Për shkak të infektimit nga Covid 19 prej gati dy javësh, kam qenë i detyruar të mungoja fizikisht në fushatën elektorale që po vazhdon me intensitet në Qarkun e Gjirokastrës.
Në këto kushte kam zgjedhur që komunikimin me zgjedhësit tanë, ta mbaj nëpërmjet telefonit, rrjeteve sociale, dhe televizionit. Mezi pres të jem pranë jush. Ju faleminderit”, shkruan Bejko.
