Khloe Kardashian, ka reaguar pas publikimit të fotove të publikuara në rrjetet sociale pa dëshirën e saj. Bëhet fjalë për një foto të pamodifikuar ku Khloe shfaqet me bikini.
Në një postim në Instagram Kardashian ndau një seri fotosh dhe videosh të paedituara, së bashku me një deklaratë në lidhje me foton që është shpërndarë kundër dëshirës së saj.
Ajo shkruan: ” Hej njerëz, kjo jam unë dhe trupi im pa filtra dhe pa editime. Fotoja që u postua këtë javë ishte e bukur. Por si një person që ka komplekse me trupin, kur dikush ju bën foto nën hije, në ndriçim të keq, ku nuk duken format trupore ashtu si ato janë dhe ti ke punuar shumë për atë rezultat -dhe pastaj ajo foto shpërndahet kudo- ju keni të drejtën të kërkoni që ajo të mos publikohet ,pa marrë parasysh se kush jeni. Në të vërtetë presioni, tallja dhe paragjykimet gjatë gjithë jetës time për të qenë e përsosor dhe për të përmbushur standartet e të tjerëve se si të dukem ka qenë shumë vështirë për ti përballuar. Unë nuk jam perfekte, por ju premtoj se çdo ditë përpiqem të jetoj jetën time me mirësi dhe sinqeritet. Nuk do të thotë që nuk kam bërë gabime. Por unë nuk do të gënjej. Është pothuajse e padurueshme të përpiqesh të jetosh sipas standardeve të pamundura që publiku më ka vendosur. Për më shumë se 10 vite çdo detaj, çdo papërsosmëri e imja ështe hiperanalizuar nga të gjithë dhe është bërë objekt talljeje. Çdo ditë publiku më rikujton papërsosmëritë e mia.”
Për më tepër, modelja deklaroi se pëlqen filtart e mirë, ndriçimin e duhur dhe modifikimin aty ku duhet pa e tepruar por nuk toleron që një foto të shpërndahet pa aprovimin e saj.
