Vëzhguesit vendor kanë shprehur shqetësimin për publikimin e të dhënave personale, por edhe faktin se materialet janë në dorë të një force politike.
“Përdorimi i mjeteve publike, domethënë i administratës për fushatë zgjedhore. Ekziston ligji i parashikimit që e ndalon këtë veprimtari, ndalon çdo lloj veprimtarie të përdoret në fushatë.”
Në kodin zgjedhor parashikohet ndalimi i propagandës me investime publike, por vëzhguesit thonë se po pëdoret pandemia dhe tërmeti dhe për këtë sipas tyre u shfrytëzua ndryshimi në Komisionin Rregullator.
“Ekzistonte rregulli ligjor që në asnjë mënyrë nuk mund të bëhet fushatë me fatëkeqësitë natyrore. Vetëm në “Facebook” janë harxhuar mbi 130 mijë dollarë për fushatë politike, dhe për këtë harxhim nuk ka asnjë lloj rregullimi ligjor.”
Vëzhguesit tërhoqën vëmendjen edhe për shpenzimet që bëjnë në rrjetet sociale, financime këto që nuk kontrollohen.
