Ekipi i Vllaznisë, për meshkuj dhe për femra, ka arritur kriteret e licencimit të vendosura nga UEFA, dhe në këtë mënyrë nuk do të kenë probleme për të përfaqësuar Shqipërinë në sezonin e ardhshëm.
Lajmi u konfirmua nga vetë kryebashkiakja e Shkodrës, Voltana Ademi, në faqen e saj në Facebook, ku tregoi edhe dokumentin zyrtar të FSHF-së.
“Është kurorëzim i përpjekjeve të përbashkëta të disa faktorëve, të cilët unë dua ti falënderoj me zemër! Pavarësisht pengesave, të gjithë bashkë ne i kapërcyem ato, duke plotësuar kriteret e licencimit të vendosura nga UEFA”, ishin fjalët e saj.
Klubi disbursoi mbi 39 milionë lekë, si pagesë e detyrueshme për sigurimet shoqërore dhe tatimore.
