Kryeministri Edi Rama, gjatë një takimi elektoral këtë të Premte në Tiranë, tregoi se në moshën e pubertetit ka pasur “fantazi” me Mimi Kodhelin.
“Mimi është këtu sot pas një rruge shumë të gjatë, qysh nga koha kur unë me Mimin kishim një lidhje të largët për shkak të prindërve dhe unë isha i vogël, por prindërit e Mimit vinin për vizitë te shtëpia jonë, bashkë me Mimin. Mimi ishte një super-kinge me flokë të verdha nga ato që kur futet ne jetën e nj pubertetari krijon fantazira. Dhe gjëja që bëja unë ishte… Ne kishim një fushë basketbolli poshtë pallatit, aty poshtë, dhe Mimi vinte unë gjuaja aty për të treguar sa i zoti isha për të bërë kosh. Po deri këtu, asgjë më shumë se kaq. Më pas, shumë vite nuk u takuam më deri kur Mimi punonte në sektorin bankar pastaj erdhi të punonte me mua në bashkinë e Tiranës. Më pas, historinë e Mimit e dini, se s’ka nevojë të bëj historinë e Mimit, por e rëndësishme është që edhe Mimi është një tjetër vajzë, grua, që është këtu për një arsye”, tha Rama.
