Doktor Fauci, drejtor i Institutit Kombëtar të Alergjisë dhe Sëmundjeve Infektive, tha në CBS se njerëzit e vaksinuar kundër Covid-19 nuk kanë nevojë të mbajnë maska në ambiente të hapura.
“Ne duhet ta bëjmë atë tranzicion. Nëse jeni të vaksinuar, nuk keni pse të mbani një maskë jashtë. Do të ishte një situatë shumë e pazakontë, nëse do të ishit në një situatë të mbushur me njerëz, ku njerëzit janë shumë afërt me njëri-tjetrin, atëherë duhet të mbani një maskë. Por çdo herë tjetër, nëse jeni vaksinuar dhe jeni jashtë, lini mënjanë maskën tuaj.”
CDC tha në udhëzimin e fundit në Prilli që njerëzit plotësisht të vaksinuar mund të shkojnë në mënyrë të sigurt në tubime të vogla në natyrë, por jo në ambiente të mbushura me njerëz.
Doktori Anthony Fauci, tha po ashtu se nuk është aq i sigurt se vaksinat Covid-19 duhet të bëhen në mënyrë që fëmijët të kthehen në shkollë.
“Unë nuk jam aq i sigurt që duhet t’u kërkojmë fëmijëve, por duhet t’i inkurajojmë ata. Por duhet të jeni të kujdesshëm kur bëni një kërkesë për diçka, që zakonisht ju çon në një kthim prapa.”
Administrata e Ushqimit dhe Barnave e SH.B.A. zgjati autorizimin e përdorimit emergjent për vaksinën Pfizer /BioNTech Covid-19 te të moshat 12 deri në 15 vjeç të hënën.
