Lufta mes Izraelit dhe Palestinës ka shkaktuar deri më tani 140 viktima dhe ka lënë mbi 900 persona të plagosur. Sulmet me raketa vijojnë në qytetet të ndryshme, ndërkohë që kundërpërgjigje të forta vijnë dhe nga Tel Avivi, që deri tani kanë lënë mbi 100 viktima, mes të cilëve shumë fëmijë dhe gra.
Në rrjetet sociale janë bërë publike pamjet e momentit kur një raketë përfundon shumë pranë stadiumit të ekipit Hapoel Holon, në kohën kur ekipi po stërvitej. Raketa ra rreth 200 metra pranë stadiumit. Vendi u mbulua nga re të zeza duke krijuar në atë mënyrë kaos dhe panik te personat që ishin në vendngjarje.
Çfarë po ndodh në Palestinë?
Lufta mes Izraelit dhe Palestinës ka nisur që prej të hënës dhe deri më tani bilanci është 140 viktima, mes tyre 40 fëmijë dhe 950 të plagosur. Deri më tani është shkatërruar me raketë godina e Al Jaseera dhe Assosiated Press në Gaza. Ende nuk është raportuar se sa viktima apo të lënduar kishte nga ky shpërthim i cili ishte i paralajmëruar. Lufta nisi pas tensioneve për pronat e palestinezëve në Jeruzalemin lindor dhe urdhërit të autoriteteve për ti dëbuar. OKB dhe SHBA kanë bërë thirrje për armëpushim por Izraeli nuk pranon. Netanjahu ka deklaruar se Izraelit nuk i intereson një armëpushim në këtë moment.
