Një 36 vjeçar ndodhet në gjendje kritike për jetën në spitalin e Traumës në Tiranë, pasi është përplasur dje nga një makinën në rrugën Gjiri i Lalzit-Maminas, teksa lëvizte me motokarro.
Mjeti tip BMW që drejtohetr po nga një i ri 36 vjeç, ka përplasur motokarron dhe ka dalë jashtë rruge, në një kanal, ndërsa mjeti i fermerit është përmbysur në mes të rrugës. Policia njofton se e ka arrestuar atë.
“Specialistët e Qarkullimit Rrugor në DVP Durrës kanë arrestuar në flagrancë shtetasin M.K., 36 vjeç, banues në Tiranë, pasi në aksin rrugor Gjiri i Lalzit – Maminas, në fshatin Rrotull, Shijak, duke drejtuar në gjendje të dehur mjetin tip “BMw” është përplasur me mjetin bujqësor, motokarro, pa targa, me drejtues shtetasin I.V., 36 vjeç, banues në Durrës.”
Për pasojë, shtetasi i mësipërm ndodhet në Spitalin e Traumës Tiranë në gjendje serioze për jetën. Materialet i kaluan Prokurorisë së Rrethit Gjyqësor Durrës për veprime të mëtejshme.
