Ndërsa hetuesit po përpiqen të hedhin dritë mbi rastin e vdekjes së 23-vjeçares, Evgjeni Baxho që humbi jetën në rrethana misterioze në Tiranë, Pranvera Xhafa, njohëse e ezoterizmit dhe okultizmit ka hedhur disa dyshime të reja se çfarë mund të shpjegojnë simbolet me ngjyrë të kuqe si mavi që u gjetën në trupin e të resë.
Sipas Xhafës, simboli është vendosur në pjesën prapa pasi aty ndodhet muskuli kryesor i trupit dhe se ky është një simbol demonik satanik, qoftë nga ngjyra, qoftë nga mënyra si janë vendosur, pasi ngjyra mavi tregon djallin dhe luciferin që është biri i djallit.
“Gjërat që ne mendojmë se janë të fshehta ekzistojnë. Kjo më ka bërë mua të fillojë të mësojë si për shembull një lule ka një kuptim. Domethënë nga errësira në dritë, është e fshehur dhe t’i duhet ta nxjerrësh.
Duke menduar që trupi është një sekret i madh dhe duke parë edhe simbolet që i janë vendosur vajzës që ka pasur atë vdekjen e çuditshme. Simboli i vendosur nga pjesa prapa aty ndodhet muskuli kryesor i trupit që ndikon drejtëpërdrejtë.
Ky është një simbol demonik satanik, qoftë nga ngjyra, qoftë nga mënyra si janë vendosur. Ngjyra mavi tregon djallin dhe luciferin që është biri i djallit”, tha Pranvera Xhafa.
Më tej, ajo ka deklaruar se gjithashtu ka gjasa që vajza t’i jetë nënshtruar një rituali, i cili lejon të shfaqen sëmundje.
Sipas Xhafaj, po ta lidhësh me alfabetin e vjetër paganë runa del që simbolet të tregojnë se Baxho ka pasur marrëdhënie me një femër, por nuk është konsoliduar.
“Nëse t’i vendos një simbol demonik në trup, vetvetiu energjia jote zbehet. Që do të thotë ekzistojnë demonët apo engjëjt ekzistojnë, po jo shumë njerëz duan t’i pranojnë. Që ti ti shohësh duhet të kontaktosh.
Ka gjasa që vajza t’i jetë nënshtruar një rituali. Forma përcakton stilin e jetës, nëse shkatërrohet materia shpirti ikën. Nëse ti gjatë gjithë kohës e nënshtron dhe shtyp shpirtin tënd do të shfaqet në sëmundje.
Kjo u tha që kishte infeksionin e dhëmballës i bie që ka pas sëmundje të tjera që nuk i përballoi dot.
Nëse e marrim primare, runat është një alfabet i vjetër që përshkruan ritualet pagane që nuk kishin lidhje me satanizmin. Nëse e shikon të tërin kupton që sheh dashurinë e një femre tjetër pra mes dy femrave, po fakti që nuk është i mbyllur në fund tregon që marrëdhënia nuk është konsoliduar.
Varet që kush ka qenë personi që i ka bërë, çfarë psikopati mund të jetë, se mund të mos jetë fare ajo që ne themi, thjesht i ka parë në internet dhe i ka bërë”, u shpreh ajo.
