Festivali Ndërkombëtar i Muzikës Elektronike UNUM, ka bërë bashkë mijëra të rinj nga vendi dhe e gjithë bota, duke gjallëruar turizmin, pas një viti të vështire si shkak i pandemisë Covid-19.
Fryma rinore, ngjyrat e shumta, deti, rëra dhe peizazhi panoramik kanë gjallëruar plazhin e Shëngjinit, duke i dhënë një pamje krejt ndryshe dhe mjaft alegro.
75 artistë me famë botërore, luajnë muzikë përgjatë 24 orëve në tri skena të vendosura në zonen e Ranës së Hedhun.
Të rinjtë pjesmarres në këtë festival thonë se ju kishin munguar festa të tillë, ndërsa vlersojnë maksimalisht bukuritë e Shëngjinit dhe Shqipërisë në tërësi.
Organizatorët e festivalit thonë se ky event i ka tejkaluar pritshmëritë e tyre.
Deri më tani janë shitur 10 mijë bileta dhe mbi 60% e pjesëmarrësve janë të shtetas të huaj.
Festivali ndërkombëtar i Muzikës Elektronike UNUM, ka startuar të enjten e do të vijojë për 5 ditë më radhë.
Kjo është hera e ditë që një event i tillë organizohet në Shëngjin.
