Një 32-vjeçar me origjinë shqiptare u arrestua në Vigevano të Italisë, për shkak se shpërndante lëndë narkotike tek të rinjtë në qendrën e qytetit. Por, ajo që e bëri atë të pikaset nga policia, ishte pikërisht mjeti me të cilin ai shpërndante drogën. 32-vjeçari shpërndante lëndë narkotike me Harley Davidson.
Sipas mediave italiane, nga kontrollet e kryera oficerët zbuluan se ndaj tij kishte një në urdhër arresti të lëshuar nga zyra e prokurorisë së Pavias prillin e kaluar, që duhej të shlyente një dënim prej një viti e katër muaj burgim, përveç dënimit me para prej 600 eurosh, për krime të dëmtimit të rëndë dhe rezistencë ndaj një zyrtari publik. Ndërkohë, në shtëpinë e tij u gjetën dhe sekuestruan 1.52 gram marihuanë, 40 doza kokainë, si dhe një sasi shtesë të së njëjtës substancë të fshehur në kuzhinë, për një total pesha prej 37,25 gramë.
