Reshjet e dendura të shiut kanë përmbytur për të dytën ditë radhazi “Pazarin e Ri” në Korçë.
Niveli i ujit në disa zona ka dalë mbi trotuare, duke shkaktuar vështirësi në lëvizjen e këmbësorëve, siç mund ta shikoni edhe në videon e siguruar nga Ora News.
Shirat e dendur në formën e rrebesheve dhe shtrëngatave, kanë krijuar edhe bllokimin e rrugës nacionale Maliq – Lozhan – Gramsh, konkretisht ne zonën e Moglicës.
Shirat kanë sjellë rrëshqitjen e gurëve në rrugë dhe si pasojë edhe vështirësimin e qarkullimit.
