Sot si 22 vite më parë forcat paramilitare dhe ushtarake serbe janë tërhequr nga Kosova. Kjo ditë shënon dhe fundin e pushtimit serb të Kosovës. Fillimisht nënshkrimi i marrëveshjes së kapitullimit të ushtrisë serbe u bë më 9 qershor të vitit 1999 në Kumanovë.
Marrëveshja u nënshkrua nga komandanti i parë i KFOR-it në Kosovë, Michael Jackson dhe ish-shefi i Shtabit të Armatës së Serbisë, Nebojsha Pavkoviç, i akuzuar në Hagë për krime lufte dhe gjenocid në Kosovë.
Në marrëveshje thuhej:
Që nga Kosova të largohen të gjithë personat dhe organizatat me aftësi militare duke përfshirë armatën e rregullt dhe forcat e marinës, civilë të armatosur, paramilitarë, forcat ajrore, garda kombëtare, policia kufitare, rezervistët, policia ushtarake, shërbimet informative, MUP-it, policia lokale, speciale, antirebeliste, antiterroriste dhe çdo grup i përcaktuar kështu nga KFOR-i.
U caktua një zonë sigurie ajrore 25 kilometra përtej kufirit të Kosovës, e ndërsa në pikën
U caktua një zonë 5 kilometrash përtej kufirit me RFJ-në që nuk guxonte të vendosen armatimet e rënda dhe ushtria, përveç ushtarët kufitarë.
