Një ditë pasi zhvilluan provimin e matematikës, maturantët e Tiranës kanë dalë në protestë para Ministrisë së Arsimit dhe kanë bllokuar rrugën e Durrësit.
Maturantët janë ulur këmbëkryq para Ministrisë. Ata kanë pakënaqësi për tezën e provimit të matematikës, pasi thonë që nuk i përmbahej programit të Ministrisë dhe ishte shumë e vështirë..
Të rinjtë kanë bllokuar paraditen e sotme Rrugën e Durrësit, duke u ulur në shesh përpara ministrisë dhe paralajmërojnë bojkot të testit të radhëës nëse kërkesat e tyre nuk dëgjohen.
Kërkesa e tyre lidhet pikërisht me uljen e pikëzimit pasi sipas tyre provimi ishte shumë i vështirë.
“Uljen e pikëzimit se provomi ishte tepër i vështirë. Ky ishte test universitar.
Kjo është mënyra jonë. Duam vlerësim”.
“Duam uljen e pragut të pikëve duke qenë se testi nuk i përmbahej modelit që kishte nxjerrë ministria në maj, nuk ishim përgatitur për ato lloj pyetjesh.
S’e di nëse është munduar të kontaktohet por besoj që kjo është mënyra më e mirë për të kërkuar të drejtën tonë e për të bërë një ndryshim”.
“Na ishte thënë që do i përmbahej modelit të nxjerrë nga ministria e Arsimit e u përballëm me një tezë që përmbanin 4-5 ushtrime me pikë që përbënin diferencën
me atë tezë mundi i çdo nxënësi apo zyshe ka shkuar dëm”.
“Do qëndrojmë në rrugë deri sa të plotësohen kërkesat tona madje me shumë gjasë do bojkotojmë provimin e radhës nëse nuk plotësohen kërkesat tona. Kemi provuar për kontakt por fjala nuk na është degjuar për fat të keq”, kanë thënë disa nga maturantët.
