Dy maune janë përplasur mbrëmjen e sotme në aksin Krahës-Mallakastër duke shkaktuar dëme të konsiderueshme materiale dhe plagosjen e një prej shoferëve. Ngjarja ka ndodhur në afërsi të qendrës së fshatit Krahës gati 15 km në veri të Memaliajt.
Maunia me targa TR6451G është përplasur me maunen që vinte nga Tirana në drejtim të Kakavijës. Drejtuesi i njërës prej mauneve është plagosur rëndë dhe u transportua në drejtim të spitalit rajonal të Gjirokastrës ku dhe po merr ndihmën e mjekëve.
