Nënkryetari i Lëvizjes Socialiste për Integrim, Petrit Vasili, akuzon kryeministrin Edi Rama si gënjeshtar, pasi kur ka kaluar më shumë se një vit nga deklarata e tij se do të ndërtonte spitalin e ri të Laçit, të dëmtuar pas tërmetit të 26 nëntorit 2019, ky spital ka mbetur në formën e deklaratës dhe propagandës së Rama.
teksa risjell në vëmendjen e opinionit publik dhe videon e deklaratës propagandistike të Ramës,, Vasili thekson se spitali i ri nuk është ndërtuar akoma edhe sot.
Përmes rrjeteve sociale, Vasili shprehet se faktet e mashtrimit janë sheshit, me zë dhe me figurë, dhe kush vazhdon dhe e beson këtë gënjeshtar s’ka asnjë të drejtë as të ankohet dhe as të kërkojë.
“Gënjeshtra + propagandë = Edi Rama! (VIDEO).
Në 14 dhjetor 2019, Edi Rama premtonte me gojën plot, që deri në pranverën e 2020 do të ndërtonte spitalin e ri të Laçit, të dëmtuar pas tërmetit të 26 nëntorit.
Ja çfarë thoshte duke gënjyer me seriozitetin e mashtruesit profesionist:
“Do ta prishim spitalin dhe shumë shpejtë do të ndërtojmë. Ju e mbani në këmbë dinjitetin e Laçit, se burrat janë…e dini ju. Do të bëhet një projekt i madh për Laçin. Spitali do të jetë i pari që do të ndërtohet. Besoj që deri në fund të pranverës, do të ndërtohet spitali i ri”, tha Rama.
Spitali i ri nuk është ndërtuar akoma edhe sot.
Po dihet që ky s’ka turp dhe gënjen 24 orë në ditë!
Faktet e mashtrimit janë sheshit, me zë dhe me figurë, kush vazhdon dhe e beson këtë gënjeshtar s’ka asnjë të drejtë as të ankohet dhe as të kërkojë”, thekson nënkryetari i LSI-së, Petrit Vasili.
