Një aksident ka ndodhur pak minuta më parë në rrugën që të zbret nga Ministria e Jashtme, në drejtim të ish-ATSH-së. Newsbomb.al ka siguruar një video amatore të regjistruar nga shoferët e tjerë që lëviznin në këtë rrugë në momentin e përplasjes.
Sipas tyre, patrulla e Policisë ishte duke lëvizur me shpejtësi dhe ofendonte shoferët me fjalët: “Hape rrugën o rrotë k*ri”. Një nga shoferët ka nisu të filmojë me celular policët që shanin dhe lëviznin me shpejtësi, dhe pak momente më pas ndodhi dhe aksidenti.
Nga pamjet, shihet se dy efëktivët e patrullës që lëviznin “vetëtim” nga Ministria e Jashtme në drejtim të ish-ATSH, kanë aksidentuar një mjet tip Mini Cooper, që lëvizte në korsinë e vetë.
Mjeti që u përplas nga makina e patrullës drejtohej nga një shofere femër, e cila shihet dhe në video.
