Dua Lipa është një nga artistet e shumta me origjinë shqiptare që ka arritur të prekë majat e showbizit botëror.
Mirëpo, si çdo artist tjetër të cilët e kanë nisur karrierën në moshë fare të re edhe Dua është përballur me kritika të shumta në fillimet e karrierës së saj.
Ylli i popit, foli për “Vanity Fair” në lidhje me karrierën e saj ndër vite dhe zbuloi se një meme virale i rrëzoi besimin, por ajo sërish nuk u ndal.
Gjatë një performance ne vititn 2018 në “Brit Awards”, kur artistja këndoi hitin “New Rules” dikush shkroi një koment për të “Unë e dua mungesën e saj të energjisë, vajza që nuk na jep asgjë!”
Koment ky i cili u bë menjëherë viral dhe preku thellë këngëtaren, por megjithatë ajo u shpreh se në ato çaste kishte menduar se do t’u provojë njerëzve se nuk do të hiqte dorë.
“Është një gjë kur njerëzit janë të ashpër me ty, por ti e di që ke bërë më të mirën tënde. Por është tjetër gjë kur njerëzit sillen shëmtuar ndaj teje dhe ti e di që në të vërtetë nuk ke pasur mundësi të jesh më i miri, sepse je përpjekur të bësh gjithçka menjëherë,”- tha këngëtarja” për “Vanity Fair”.
