Vazhdojnë të vijnë detaje të trishta nga ngjarja në Velipojë, ku një katër anëtarët e një familje janë plagosur rëndë nga shpërthimi i bombulës së gazit në hotelin e tyre.
Punonjësja e ambulancës, që ka mbërritur në vendngjarje, ka treguar për gazetarin e “BalkanWeb” se gjendja e të lënduarve është shumë e rëndë, ndërsa ka shtuar se tre vajzat e reja dhe i mituri kanë pësuar djegie në 85-90% të trupit.
“Gjendja e të lënduarve është shumë, shumë e rëndë. Djegia 85-90%. Të gjithë janë një familje, në moshën prej 11 deri në 30 vjeçe, një fëmijë dhe tri gra. Janë nga Lezha dhe kanë ardhur te hoteli që kanë në Velipojë. Janë djegur nga bombola e gazit. Mbërritëm menjëherë policia, zjarrfikësi dhe ambulanca dhe i transportuam. Dy janë në Spitalin e Shkodrës, për dy të miturit pritet helikopteri, se janë në gjendje më të rëndë”, është shprehur punonjësja.
