Aeroplani i zhdukur nga radarët mëngjesin e sotëm është rrëzuar në det në afërsi të gadishullit Kamchatka në lindje të Rusisë ndërsa po përgatitej të ulej, njoftoi agjencia e lajmeve RIA.
Aeroplani ishte rrugës nga kryeqyteti rajonal Petropavlovsk-Kamchatsky për në Palana, një fshat në Kamchatka veriore, kur humbi kontaktin me kontrollin e trafikut ajror, tha ministria e emergjencave ruse.
Disa anije janë rrugës për në vendin e rrëzimit.
Zhduket avioni me 28 persona në bord në rajonin e Lindjes së Largët
Në bord ishin 22 pasagjerë dhe 6 ekuipazh, tha ministria. Kryebashkiaku i fshatit Olga Mokhireva ishte midis udhëtarëve, cituan autoritetet lokale .
Moti në zonë ishte me re në atë kohë, tha agjencia e lajmeve Interfax, duke cituar qendrën lokale të meteorologjisë.
Sipas TASS, aeroplani është ndërtuar në 1982, shkruan Reuters.
