Stuhitë dhe reshjet e shiut që kanë përfshirë ditët e fundit Europën Qëndrore do të kenë ndikim të vogël në vendin tonë.
Sinoptikania Lajda Porja në një prononcim për News24 thotë se fundjava do të sjellë reshje shiu në shumë zona të Shqipërisë, ndërsa të dielën do të përfshihet dhe bregdeti i Adriatikut.
Kjo do të sjellë një ulje të temperaturave që të dielën do të zbresin deri në 32 gradë celsius.
“Duke parë stuhinë me origjinë në ishujt Britanik, që ka përfshirë Europën Qendrore, kjo stuhi e quajtur në shkallën e uraganeve, po sjell përkeqësim të motit. Pritet që stuhia të zhvendoset drejt alpeve, dhe tek ne vjen e dobësuar. Do të ketë më tepër rrebeshe shiu, në Maqedoni, Serbi dhe Kroaci. Moti paraqitet me vranësira. E shtuna parashikohet të sjellë reshje shiu në zonën veriore dhe verilindore. Dita e diel do të zhvendos në një pjesë të madhe të territorit. Do të përfshihen edhe zonat qendrore. Do të ketë reshje shiu në Velipojë, në Durrës, por shpëton zona e jugut. Ka pasur një rënie të temperaturave, krahasuar me të nxehtin që kaluam javën e shkuar. Parashikohet që termometri mos të kalojë 34 gradë celsius. Kryeqytet pritet që gjatë kësaj fundjave do të jetë 33 gradë. Dita e diel do të ketë rënie temperature, 32 gradë, do kemi të paraqitur gjatë kësaj fundjave parametrin e erës.”, -tha Porja.
