Një zjarr masiv ka rënë këtë të shtunë në Durrës. Flakët kanë djegur sipërfaqe të konsiderueshme në zonën pranë Kepit të Rodonit dhe në zonën e Ishmit.
Në vendngjarje kanë mbërritur forcat zjarrfikëse, të cilat po punojnë për shuarjen e zjarrit, por mesa duket situata u ka dalë jashtë kontrollit dhe një kamion i zjarrfikëses teksa është përpjekur në shuarjen e flakëve është djegur, duke u shkrumbuar plotësisht.
Ndërkohë, situata problematike paraqitet në zonat e thella, pasi ekipet nuk mund të ndërhyjnë për shkak të terrenit të vështirë.
