Scott Disick dhe e dashura e tij 19 vite më e vogël, Amelia Hamlin, janë fotografuar së bashku me fëmijët e tij në Malibu.
Ish-partneri i Kourtney Kardashian, 38 vjeç dhe modelja seksi treguan edhe një herë se marrëdhënia e tyre është serioze, shkruan “Daily Mail”.
Çifti u fotografuan duke drekuar së bashku me tre fëmijët e Scott: me djalin Mason, 11 vjeç, me Reign 6 vjeç dhe me vajzën Penelope, 9 vjeç. Hamlin dukej mjaft seksi e veshur me një fustan të zi të shkurtër dhe të ngushtë që i tregonte linjat trupore.
Ashtu si partneri i saj, edhe Amelia kishte veshur një palë atlete të bardha dhe pamjen e kishte kompletuar me disa aksesorë gold. Disick kishte veshur një këmishë të bardhë me mëngë të shkurtra, që kishte fjalë të printuara në të në ngjyrë të kuqe, si dhe një palë pantallona ushtarake.
Të dy ata dukeshin shumë të lumtur në shoqërinë e njëri-tjetrit.
