Autobusët janë fikur dhe shërbimi i transportit publik në qytetin e Shkodres u fut në grevë të mërkurën (4 gusht)
Administratori i shoqërisë Melidion Dervishi renditi problemet arsyet që i çuan drejt paralizimit të lëvizjes për 24 orë.
Melidion Dervishi: Ka mungesë stacionesh, infrastruktura në Shkodër mungon për realizimin e një shërbimi për qytetarët ashtu siç duhet. Mungesa e subvencioneve”
Nëse zëri i tyre nuk dëgjohet nga qeveria dhe bashkia e qytetit, kërcënojnë se Shkodra mund të mbesë pa këtë shërbim.
Melidion Dervishi: Në kushtet e sotme në një verë të dobët ekonomike, Shkodra rrezikon të mbesë pa transport publik.
Edhe një prej shoferëve të autobuseve të qytetit, flet për problematikën në qarkullim dhe vonesat që u shkaktohen qytetareve.
Ai përmend akset me problematike, ku pushteti vendor duhet të vërë dorë.
Në një reagim Bashkia e Shkodrës kërkon nga operatori respektimin e kontratës, respektimin e licencës në bazë të ligjit. Në asnjë rast Bashkia Shkodër nuk mund të veprojë kundër ligjit.
24 stacione autobusi janë në qytetin e Shkodres, por vetëm 10 prej tyre plotësojnë standardet.
Ky qytet mbulohet nga ky shërbim vetëm një dy linja, ai nga Fermentimi në Bahçallek dhe Shirokë – Zogaj, pjesa tjetër e lagjeve të Shkodres nuk e njohin transportin publik.
