Fotoja e mëposhtme është një nga më viralet dhe të përdorurat e Justin Bieber.
Nëse klikoni në “Google” emrin e kanadezit kjo foto do renditet ndër të parat dhe mediat e kanë përdorur gjerësisht në lajmet rreth JB. Mirëpo, vetë ai nuk qenka aspak krenar rreth kësaj dhe duket se e urren këtë foto.
Përmes një statusi në “Instastory”, Bieber u ankua se mediat ende përdorin fotografi të këqija të tij në kohën kur ai kishte mustaqe. “Unë jam akoma në shok, që ende i përdorin këto fotografi të miat. Po ju them se media dëshiron të zgjedhë fotot e mia të këqija për të bërë të dukem sikur nuk jam mirë… Ka pasur fotografi të panumërta që mediat të marrin fotografi të tjera, por ata ende vazhdojnë me këtë për të më bërë të dukem i sëmurë dhe jo mirë, nuk është e drejtë.”- shkruan ai.
Megjithatë, menjëherë pas ankesave të tij, Variety e ndryshoi foton e Justin dhe e zëvendësoi me një tjetër.
Kjo nuk është hera e parë që Bieber adreson një shqetësim të tillë. Edhe më herët ai ka akuzuar mediat se përpiqen ta nxjerrin të sëmurë dhe me probleme.
