Ende asgjë nga takimi mes Juventusit dhe Sassuolos për Manuel Locatellin, i cili është një nga objektivat kryesor të Allegrit në mesfushë. Takimi i drejtuesve të ekipit torinez me ato të Sassuolos është zhvilluar gjatë pasdites së sotme, por sërish ka pasur tym gri.
Locateli kërkon me ngulm transferimin te skuadra beadhezi, por oferta prej 32 milionë eurosh, 25 fikse dhe 7 në formë bonusesh nuk është pranuar nga klubi emilian që kërkon 35. Vullneti i mesfushorit mund të jetë vendimtar në këtë lëvizje.
Në ditët në vijim pritet të bëhet edhe një tjetër takim mes të dyja skuadrave. Sassuolo mund të pranojë edhe huazimin, por me detyrimin për ta blerë në përfundimin e saj.
