Rënia e Afganistanit në duartë e talebanëve ka sjell një fokus të ri në vend, përveç krizës humanitare që ka shkaktuar. CNN shkruan se tashmë në Afganistan kanë marrë fokus pasuritë minerale të pashfrytëzuara në vend, të cilët nëse përdoren mirë do të sjelln një transformin komplet të vendit.
Afganistani është një nga vendet më të varfra në botë. Por në vitin 2010, zyrtarët amerikanë dhe gjeologët zbuluan se vendi, i cili shtrihet në udhëkryqin e Azisë Qendrore dhe Jugore, ishte ulur në depozita minerale me vlerë gati 1 trilion dollarë. Sipas tyre në Afganistan shtrihen pasuri minerale si hekuri, bakri dhe ari, të cilat janë të shpërndara të në gjithë sipërfaqen e vendit.
Gjithashtu në vend mendohet se shtrihet një nga depozitat më të mëdha të litiumit në botë, i cili shërben për mbushjen e baterive dhe teknologjive të ndryshme.
“Afganistani është sigurisht një nga rajonet më të pasura me metale tradicionale të çmuara, por edhe metale të nevojshme për ekonominë në zhvillim të shekullit 21”, tha shkencëtari dhe eksperti i sigurisë Rod Schoonover.
Sfidat e sigurisë, mungesa e infrastrukturës dhe thatësira të mëdha kanë parandaluar nxjerrjen e mineraleve më të vlefshme në të kaluarën. Dhe se kjo nuk ka gjasa të ndryshojë së shpejti nën kontrollin e talebanëve. Megjithatë, interesi nga vendet e ndryshme të botës përfshirë Kinën, Pakistanin dhe Indinë, është i madh.
