Talebanët kanë pranuar se afganët të cilët kanë dokumentacione të rregullta do të jenë në gjendje të largohen nga vendi i tyre edhe pas tërheqjes përfundimtare të trupave amerikanë më 31 gusht.
Këtë lajm e ka bërë me dije vetë diplomati gjerman, Marcuel Pochel, i cili prej ditësh po negocion me militantët.
“Nënkryetari i zyrës politike të talebanëve në Katar, Sir Abbas Stanekzai më siguroi se afganët me dokumente të vlefshme do të vazhdojnë të jenë në gjendje të udhëtojnë me fluturime komerciale pas 31 gushtit”, tha Marcus Pochel në Tëitter.
Një draft marrëveshje me talebanët për transportimin e sigurt të civilëve nga Afganistani po hartohet nga Perëndimi, siç u bë e ditur në deklaratat pas telekonferencës së Samitit të G7, që ra dakord mbi një qëndrim të përbashkët të evakuimit të civilëve.
