Në shkurt të vitit 2022 do të zhvillohen zgjedhjet e reja për presidentin e ri të Federatës Shqiptare të Futbollit. Prej 19 vitesh ky post është mbajtur nga presidenti aktual, por duket se në zgjedhjet e ardhshme gjërat do të ndryshojnë pasi gara është me të vërtetë e fortë. Sipas “Syri.net” në zgjedhjet që zhvillohen në muajin shkurt 2022, kandidojnë personazhe të njohur të sportit, mediat dhe politikës. Në listën e kandidatëve për të zëvendësuar Armando Dukën në postin e presidentit të FSHF-së, janë: Sulejman Starova, Ilda Bejleri, Selami Jenisheri, Dritan Shakohoxha, Armando Duka.
Surprizues është kandidimi i ish-deputetit Selami Jenisheri, Starovës dhe gazetares sportive Ilda Bejleri, pasi për Shakohoxhën kishte zëra se do të zëvendësonte Dukën në momentin që hoqi dorë nga gazetaria.
