Jessica Leidolph, një modele 36-vjeçare është sulmuar nga një leopard gjatë realizimit të një seti fotografik.
Ngjarja ka ndodhur në Gjermani dhe “The Sun’ raporton se menjëherë pas kafshimit modelja është dërguar me urgjencë në spital.
Leopardi 16-vjeçar me emrin Troja, sulmoi papritur pasi Leidolph hyri në zonën e tij, duke e lënë modelen të plagosur në fytyrë.
Ajo humbi ndjenjat në ato momente dhe u dërgua me aeroplan në spital me plagë të rënda nga të cilat dilte shumë gjak.
Ajo u fut menjëherë në sallën e operimit.
“Ajo më kafshoi faqen, veshin dhe kokën,“- tha modelja.
Pronari 48-vjeçar i leopardit ka punuar si trajner i kafshëve për 20 vjet dhe ka një licencë ligjore për të mbajtur kafshët., dhe është shprehur se ende ndihet i habitur për ngjarjen e ndodhur.
