“Kylian është stërvitur shumë mirë, si zakonisht. Ai është grumbulluar për nesër. A e dini dëshirën e tij për t’u larguar? Jo”. Trajneri i PSG, Mauricio Pochettino ka folur për situatën e Mbappes, që ende po përflitet për një transferim te skuadra e Real Madrid.
“Presidenti dhe drejtori sportiv tashmë e kanë sqaruar situatën”, shpjegoi trajneri në një konferencë për shtyp në prag të ndeshjes kundër Reims.
LEO MESSI– “Siç e dimë, ai është një profesionist i madh, ai po përshtatet shumë shpejt me shokët e tij të skuadrës dhe me klubin”. Përveç Mbappes dhe kampionit argjentinas, Pochettino ka grumbulluar Neymar për ndeshjen kundër Reims: “Unë nuk kam vendosur plotësisht se kush do të luajë akoma, do të shohim nëse të tre mund të luajnë që nga fillimi i ndeshjes.”
