Dhjetëra persona janë plagosur ditën e sotme në Malin e Zi për shkak të protestave që u mbajtën kundër ceremonisë së kurorëzimit të kreut të Kishës Ortodokse, mitropolitit Joanikije. Vijesti shkruan se policia për të shpërndarë protestuesit përdori gaz lotsjellës, ndërsa këta të fundit iu kthyen me fishekzjarre, gurë dhe shishe, duke plagosur disa efektive.
Sipas zëvendësdrejtori të policisë në Mal të Zi, Dragan Goroviç, janë plagosur rreth 20 efektivë policie, ndërsa rreth 30 persona të tjerë kanë kërkuar ndihmë mjekësore në klinikat shtetësore.
