Policia e Shkodrës ka ndaluar shtetasin Q.M., 25 vjeç, banues në lagjen “Bahçallëk”, i dënuar më parë për veprën penale “Vjedhje”.
Ky shtetas plagosi më thikë mbrëmjen e djeshme në Shkodër shtetasin Ç.V, i cili ndodhet në spital, jashtë rrezikut për jetën.
“Ndalimi i tij u bë për veprën penale “Plagosje e lehtë me dashje”, pasi mbrëmjen e djeshme pas një konflikti të çastit në lagjen “Iliria”, Shkodër, ka plagosur me thikë shtetasin Ç.V, i cili ndodhet në spital, jashtë rrezikut për jetën.” – njofton policia.
Materialet në ngarkim të tyre i kaluan Prokurorisë pranë Gjykatës së Shkallës Parë Shkodër, për veprime të mëtejshme.
