Një aksident është regjistruar pak minuta më parë në hyrje të qytetit të Beratit, në aksin nga ypsiloni në drejtim të Urës së Re të Velabishtit.
Një mjet,tip ford,me targa XKP 452,që drejtohej nga shtetasi Edison Qose ka goditur një burrë 72-vjeç që po udhëtonte me biçiketë dhe që ka dashur të kalojë nga njëra anë e rrugës në tjetrën.
Përplasja ka qenë e fuqishme dhe shtetasi Dhimitraq Buda,që udhëtonte me biçikletë është përplasur në asfaltin e rrugës.
I plagosuri është dërguar me ambulancë drejt Spitalit Rajonal Berat,ku konfirmohet se gjendja e tij është e rëndë.
Në vendngjarje kanë shkuar forca të shumta të policisë,të cilët po kryejnë kqyrjen e vendit të ngjarjes për të zbardhur shkaqet e aksidentit.
Burime në vendngjarje konfirmojnë me mjeti tip Ford ka qenë duke qarkulluar me shpejtësi në këtë zonë të banuar dhe se i moshuari 72-vjeç po kalonte me biçikletë nga njëra anë e rrugës në tjetrën në momentin që është përplasur nga mjeti.
Burimet zyrtare të policisë konfirmojnë se,drejtuesi i mjetit Edison Qose është shoqëruar në polici, për të dhënë dëshminë e tij rreth ngjarjes.
