Autoriteti Rrugor Shqiptar ka njoftuar se mbrëmjen e nesërme do të bëhet devijimi i trafikut në zonën e Unazës së Re, për shkak të vazhdimit të punimeve në rrugën kryesore. Me anë të një postimi në Facebook, ARRSH shkruan se në vendin që ndahen rruget për Unazë të Re dhe Yzberisht, automjetet që do të shkojnë në zonën e pallateve do të devijojnë djathtas në rrugën paralele. Në postim gjithashtu shkruhet se në këtë aks është i ndaluar parkimi i mjeteve.
Njoftimi i ARRSH-së:
Ditën e martë, datë 19.10.2021, në darkë do të bëhet devijimi i trafikut në zonën e Unazës së Re, në sajë të vazhdimit të ecurisë së punimeve në rrugën kryesore krahu i djathtë. Aty ku ndahen sot rrymat e trafikut për Unazë të Re dhe Yzberisht automjetet që kanë për destiancion zonën e pallateve do të devijojnë djathtas në rrugën paralele, me të cilën janë lidhur të gjitha rrugicat ekzistuese (Rruga Mikel Maruli,Rruga Aleskandri i Madh dhe Bulevardi Migjeni). Është bërë vendosja e sinjalistikës përkatëse dhe në këtë aks është i ndaluar parkimi i automjeteve. Kërkojmë mirëkuptimin e përdoruesve të mjeteve dhe të banorëve!
