Moderatorja e emisionit ‘Glamour zone’, Ester Bylyku është përballur me një situatë të sikletshme teksa të ftuar kishte ish-konkurrentin e ‘Përputhen’ Eri Agën.
Pas debateve të panumërta televizive, këtë herë ai shpërtheu ndaj moderatores Ester Bylyku, e cila nuk e ka pritur aspak mirë reagimin e tij.
Moderatorja Ester Bylyku e ka pyetur se kush ka qenë femra më e famshme me të cilën ai ka flirtuar, kjo pyetje duket se nuk i ka pëlqyer Erit i cili filloi të ulërinte në mes të emisionit duke thënë: ‘A të thash që përpara xhirimeve këto pyetje mos mi bëj? Pse më acaron?’
Ester e gjeti të pamundur të ruante qetësinë, dhe mes tyre nisi një debat i cili më pas degradoi vetëm nga një pyetje. Por e gjithë kjo ishte një lojë e Erit ndaj moderatores, e cila me thënë të drejtën e përballoi mirë.
