Me dhjetra qytetarë, të cilët u helmuan nga uji i pijshëm në Krujë, janë mbledhur për të protestuar para bashkisë.
Qytetarët janë shprehur të indinjuar pas incidentit të rëndë që ndodhi, duke kërkuar largimin e kryetarit të Bashkisë Krujë dhe drejtorit të Ujësjellësit.
“I gjithë populli i Krujës e di se nga janë marrë ato tuba të ujësjellësit, pasi janë marrë nga tubat e naftës në Ballsh. Kërkojmë që të merrem masa. Uji i ri erdhi me ngjyrë. Ndaj e hoqën atë ujin e ri”, -tha një prej protestuesve.
Kujtojmë se vetëm disa ditë më parë rreth 600 banorë të Krujës u helmuan nga uji i pijshëm, dhe shumë prej tyre përfunduan në spital, për të marrë ndihmë mjekësore.